"Ажыўляючы каханне" - гэта падарожжа праз мастацтва, якое дапамагае замарудзіцца і па-новаму зірнуць на адносіны, жыццёвы выбар, Унутраныя жаданні і самога сябе.
Запрашаем усіх, хто затрымаўся і знаходзіцца ў пошуку сэнсаў, хто хоча перазагрузіцца, адпачыць і напоўніцца прыгажосцю.
Разам з правадніком вы пройдзеце маршрут праз работы сучасных беларускіх мастакоў, скульптуры, інтэрактыўныя інсталяцыі і прасторы для разважанняў. Тут можна не толькі глядзець, але і ўзаемадзейнічаць з экспазіцыяй, задаваць пытанні і шукаць уласныя адказы.
Што вас чакае:
- экскурсія з правадніком;
- пытанні і прастора для новых думак, уражанняў і адкрыццяў;
- метафарычныя карты;
- інтэрактыўныя і тактыльныя інсталяцыі;
- утульныя групы і камерная атмасфера.
Гэта выстава не толькі пра рамантычнае каханне, а пра каханне ў шырокім сэнсе: да сябе, да блізкіх, да жыцця і да таго шляху, які кожны з нас праходзіць.
